Вчеравечер и официјално беше пуштен во употреба новиот спортски комплекс во населбата „Автокоманда“ во Штип. Овој спортски комплекс е изграден со донација на штипски бизнисмени, а активно учество во неговата изградба имаа и лицата што престојуваат во Казнено-поправниот дом во Штип.
Станува збор за спортски комплекс што опфаќа мини-фудбалско игралиште покриено со вештачка трева, игралиште за кошарка и игралиште покриено со песок на кое се поставени мини-голови, наоколу е посадено зеленило и се поставени десетина нови клупи и летниковец.
„Ова е епилогот од едномесечната интензивна работа. Од руина, ова место го претворивме во урбано катче. Во него место ќе најдат најмладите, бидејќи има детски реквизити, младите, бидејќи има спортски терени, а и постарите ќе можат да одморат“, изјави градоначалникот Илчо Захариев.
Захариев додаде дека за да се зачува овој комплекс Општината ќе ангажира чувар, но упати и апел до граѓаните совесно да се однесуваат и да го чуваат сèона што е вложено во новиот комплекс.
М.Р.