40-годишен крадец од Кочани рано утрово е фатен на дело како се обидува насила да влезе во продавница во Штип, соопшти полицијата.
„На 19.07.2021, полициски службеници од Полициската станица Штип го лишиле од слобода Џ.А.(40) од Кочани, бидејќи околу 02.40 часот бил затекнат при вршење на кривично дело „тешка кражба“, односно додека се обидувал со употреба на сила и алат да влезе во продажен објект на ул.„Енгелсова“ во Штип“, се вели во соопштението од МВР.
По целосно документирање на случајот, против Џ.А. ќе биде поднесена соодветна пријава, додаваат од полицијата.