Во официјална посета на Република Македонија денеска ќе престојува шефот на дипломатијата на Романија, Титус Корлацеан, на покана од македонскиот министер за надворешни работи Никола Попоски.
Како што најави МНР, Попоски и Корлацеан ќе разменат мислења за билатералните односи и економската соработка меѓу двете земји, за можностите за натамошен развој, како и за заедничка соработка во контекст на ЕУ, НАТО и на регионален план.
Двајцата министри ќе потпишат и договор за соработка во областа на образованието, науката и културата, масовните медиуми и спортот.
Министерот Корлацеан ќе биде примен и од претседателот на Република Македонија Ѓорге Иванов.