Градежен инвеститор од Скопје доби кривична пријава откако изградил ѕид долг 50 метри на струшката улица „Туристичка“, соопшти полицијата.
„ОВР Струга поднесе кривична пријава против Е.С.(52) од Скопје, поради постоење основи на сомнение за сторено кривично дело „узурпација на недвижности“. Тој, во текот на март 2021 година, на локација во државна сопственост на ул.„Туристичка“ во Струга, без соодветна дозвола изградил бетонска ограда во должина од 52 метри“, се вели во полициското соопштение.
Од страна на Градежната инспекција на oпштина Струга, извршен е инспекциски надзор и донесено е решение со кое на инвеститорот му се наредува да ја отстрани бесправно изградената градба, додаваат од полицијата.