Невообичаена сцена денеска можеше да се забележи на централниот плоштад во Загреб, каде група српски играорци го развеаја знамето на својата земја и го изиграа традиционалното „Ужичко коло“ пред споменикот на банот Јосип Јелачиќ.
Видеото предизвика неверување, а многумина коментираат дека по долгогодишното непријателство меѓу Србите и Хрватите, во Белград почесто можеле да се видат слични сцени во кои учествувале Хрвати, но обратните случаи биле речиси незамисливи.
Во моментов во Загреб се случува голем фолклорен фестивал, на кој учествуваат и културно-уметнички друштва од Србија. Според локалните медиуми, настапот на српските играорци не бил дел од официјалната фестивалска програма, туку спонтан.