Ако Христијан Мицкоски и ВМРО-ДПМНЕ не се сигурни во својот идентитет не мора да поднесуваат декларации или какви било заклучоци до Собранието. Македонскиот јазик и македонскиот идентитет се меѓународно потврдени и признаени и нема потреба од било каква расправа за тие прашања особено не во македонското собрание велат од СДСМ во реакција на Резолуцијата за националните интереси што денеска ја објави ВМРО-ДПМНЕ.
„Цела Европа, целиот свет знае кои се нашите идентитески позиции но очигледно само Мицкоски и ВМРО-ДПМНЕ не се сигурни во тоа. Христијан Мицкоски до толку е изгубен во своите блокади што бара Собранието да разговара дали сме Македонци кои зборуваат македонски јазик и имаат македонски идентитет и посебност“ – се вели во реакцијата од СДСМ.
ВМРО-ДПМНЕ најави дека Резолуцијата ќе ја поднесе во Собранието и повика на обединување на сите политички партии околу нејзината содржина.