Наводите на пратеникот на опозицискaта ДПА Беким Фазлиу од говорницата на Парламентот се тешка клевета, заснована на лаги. Како и секогаш оваа личност инсистира да придобие политички поени и да го врати нејзиниот персонален рејтинг внатре во партијата по дебаклот на локалните избори, вели во писмена изјава министерот за правда Блерим Беџети во врска со прашањето на пратеникот упатено до министерката за внатрешни работи Гордана Јанкуловска за тоа дали е разрешен случајот со клубот „Шери“ во Градскиот парк.
– Сакам да ја информирам јавноста дека присуството на службените лица во текот на полициските акции никогаш не треба на ниеден начин да го спречи нивното спроведување. За разлика од вас од ДПА, ние никогаш не сме инсистирале да ја спречиме работата на институциите на системот, ниту пак сме ги злоупотребиле истите, посочува Беџети.
И тоа, истакнува министерот, е се што се случило таа вечер, акцијата во споменатиот локал се спроведе според сите правила, а шпекулаците во врска со инволвирањето на луѓето што беа со мене, овој пат им ги оставам на волјата за ексклузивност на веста во медиуми.
– Но, сакам да истакнам дека Беким Фазлиу оди уште подалеку со својата фантазија, велејќи нешто што ни во медиумите не беше е кажано, дека кај мене е најдено нешто противзаконско, наведува Беџети.
Единствената вистина дадена во медиумите за мене поврзана со случајот е дека „јас бев во тој момент таму и на ниеден начин моето присуство не ја попречи акцијата“.
– Сите други информаци во оваа вест се само „разубавување“ на веста за атракција. Барам од пратеникот Беким Фазлиу да не се крие зад имунитетот во говорницата. Јас како министер ќе се обидам да го решам случајот во целост, вели во писменета изјава министерот за правда Блерим Беџети.