Приведени се двајца скопјани кои во повеќе наврати извршиле тешки кражби во станови, каде одзеле пари и платежни картички, а на првопријавениот му е одреден и притвор.
МВР информира дека СВР Скопје – ЕВР Аеродром и Драчево поднеле кривична пријава против А.Н.(35) и А.Д.(26), двајцата од Скопје поради постоење основи на сомнение дека сториле повеќе кривични дела „тешка кражба“ и „тешка кражба на дрзок начин“.
-Врз основа на судска наредба, а по претходно добиени сознанија дека во повеќе наврати извршиле тешки кражби во станови, каде одзеле пари и платежни картички, вчера биле извршени претреси во нивните домови. При претресите биле пронајдени и одземени повеќе предмети поврзани со кривичните дела меѓу кои и платежни картички во сопственост на оштетени лица, велат од МВР.
Тие биле приведени во полициска станица, а на првопријавениот му бил одреден и притвор од судија на претходна постапка.
