Јапонскиот производител на автомобили „Нисан“ официјално го претстави својот Нисмо проект на хибридниот модел Нисан Лиф.
Нисмо Лиф предвидува аеродинамичен пакет, кој вклучува нови браници, редизајнирани прагови и продолжени спојлери. Додатоците може да се добијат и целосно изработени од карбонски влакна или зајакната пластика.
Спортскиот изглед е надополнет со ретровизори изработени од карбон и 18 инчните алуминиумски фелни.
Нисмо Лиф, благодарение на новите амортизери и суспензија, е за 30 милиметри поблиску до подлогата, што резултира со поголема стабилност и управување. Достапен е оптимизиран контролен модел што го подобрува забрзувањето и перформансите на возилото.