Со падот на кумановско Ваксинце од 2001 година, се зголеми притисокот на македонската полиција и продолжија нападите врз Слупчане, Оризари, Липково, Хотле, Матејче, Ропалце.
Продолжија и нападите на планинските села на Кардадак. Непријателот со сите средства се обиде да ја напуштиме оваа област, пишува Џезаир Шаќири, познат како командант Хоџа за Лајмепрес.
По повод 12-годишнината од битката кај Арачиново, Хоџа напиша колумна во која вели дека успеал да го спречи освојувањето на селото, но почувствувал дека е предаден од некои Албанци:
„Без оглед на се, јас сум горд што не му дозволив на Бошковски да влезе во Арачиново, но сум разочаран од предавството што ми го направија некои Албанци принудувајќи ме до ден денес, да се шетам по планини и ридови.“