Британскиот производител на автомобили „Јагуар“ го претстави прототипот Ц-Х75, кој треба да претставува најава за изгледот на идната генерација спортски модели со високи перформанси од компанијата.
Прототипот Ц-Х75 во хибридна комбинација располага со 1,6 литарски четирицилиндарски бензински мотор со два турбо полначи што развива 500 коњски сили, а дополнителни 390 коњски сили обезбедуваат двата електро мотори. Заедно погонските единици обезбедуваат околу 850 коњски сили.
Со поволен однос на тежина и сила Ц-Х75 од 0 до 100 километри на час развива за помалку од 3, а од 0 до 160 километри на час за помалку од 6 секунди. Максималната брзина надминува 350 километри на час.
Ц-Х75 само на електричен погон има автономија на движење од 64 километри. Реализирањето на амбициозниот проект засега е стопирано поради глобалната економска ситуација.