Индискиот борач Сушил Кумар, двоен освојувач на олимписки медал денеска е уапсен под сомнение за убиство, соопшти полицијата во Њу Делхи.
– Имаме изјави од жртвите кои го посочија Кумар како еден од напаѓачите“ – изјави претставник на полицијата вклучен во истрагата.
Кумар бил вмешан во тепачка на 4. мај пред стадионот Чатрасал во Њу Делхи, по што три лица биле примени во болница, а едно од нив, поранешен јуниорски државен шампион во борење им подлегнал на повредите.
Адвокатите на Кумар ги отфрлија обвинувањата и ја обвинија полицијата за пристрасност.
Кумар е еден од најпознатите спортисти во Индија, тој освои сребрен медал на Олимписките игри во 2012 година и бронза на ОИ во 2008 година.