Скопските пожарникари денеска спасуваа падната жена со скршеници која повикала итна медицинска помош. Од фотографиите кои ги објавија од објавија од Пожарна – Скопје се гледа дека пожарникарите морале да влезат во домот на жената на која и требала помош, преку терасата.
Според објавата на ТППЕ Скопје на социјалната мрежа Фејсбук, интервенцијата се одвивала во скопската населба Автокоманда на улицата „Ташко Караџа“.
„Дојава за интервенција техничка, Ташко Караџа Автокоманда. Падната повредена жена со скршеници, повикано Брза помош“, посочуваат од скопската пожарна.