Олимписките игри во Токио ќе се одржат дури и ако биде прогласена вонредна состојба во главниот град на Јапонија поради коронавирусот.
Ова го изјави шефот на координативната комисија на Олимпијадата, Џон Коутс на состанокот на Меѓународниот олимписки комитет (МОК).
– Игрите ќе се одржат дури и ако режимот за итни случаи е во сила за време на турнирот во Токио. Сега Јапонија успешно ги помина тест-турнирите во пет спортови, додека земјата беше во вонредна состојба, па нема сомнение дека игрите ќе се одржат и во овој случај, рече Коутс.
Исто така, организацискиот комитет на Олимпијадата соопшти дека тестирањето за коронавирус ќе биде редовно за сите учесници на Игрите.
– Ние ја поздравуваме вакцинацијата на учесниците на Игрите, но не се потпираме целосно на тоа. Тестирањето ќе биде редовно, без оглед на тоа дали спортистот или друг учесник на Игрите, е вакциниран. Редовното тестирање е она на што се потпираме, го цитира „Р-Спорт“ Коутс.
Олимписките игри во Токио ќе се одржат од 23 јули до 8 август.