По повод 40 години од Блаженото упокоение на Архиепископ Охридски и Македонски г.г. Доситеј, прв Архиепископ на возобновената Охридска Архиепископија во МПЦ), на празникот „Јавување на Чесниот Крст во Ерусалим“ во Црквата Св. Богородица Перивлепта утре ќе се служи света заупокоена литургија.
По заупокоената литургија што ќе започне од 9 часот, ќе се служи парастос на кој ќе чиноначалствува Неговото Високопреосвештенство Митрополитот Дебарско – кичевски и Администратор Австралиско – сиднејски г.Тимотеј.
Поради настанатата состојба со корона вирусот Ковид-19, од Дебарско – кичевската епархија ги известуваат верниците дека доколку сакаат да дојдат и присуствуваат на богослужбата ќе мора да се придржуваат кон мерките на Владата за спречување и ширење на вирусот, што подразбира носење на заштитна опрема (маска, марама, шал и слично), како и држење на определеното растојание.