Францускиот претседател Франсоа Оланд денеска почнува дводневна посета на Катар, насочена кон трговски прашања и конфликтот во Сирија, јави ДПА.
Франсоа Оланд е придружуван од неколку министри и бизнис лидери, кои ќе земат учествуво на француско-катарски економски форум.
Францускиот претседател ќе го посети и бизнис комплексот „Катар петролеум дистрикт“, кој се гради од француската компанија „Буиг“.
Франција, која се соочува со економска стагнација и раст на невработеноста, очекува да склучи повеќе договори со богатиот со нафта Катар, најмногу во областа на одбраната, транспортот и енергетиката.
Од Доха, Оланд ќе замине за Јордан, каде ќе се сретне со кралот Абдула Втори.