Претседателот на Србија, Александар Вучиќ, објави дека е донесена одлука за обезбедување дополнителна парична помош за оние кои се вакцинирани против коронавирус. Помошта ќе изнесува 3.000 динари.
Како што посочува, сите над 16 години кои ќе бидат вакцинирани со една или две дози до 31 мај, ќе добијат дополнителни 3.000 динари објавија српските медиуми.
„Бидејќи не можеме да донесеме негативни дискриминаторски мерки за оние кои нема да примат вакцина, размислувавме како да ги наградиме вакцинираните“ – вели Вучиќ.
Целта, како што рече, е да се наградат оние што покажале одговорност, како и да ги поттикнат другите да се вакцинираат.