На претседателот на српскиот Парламент и лидер на Социјалистичката партија, Ивица Дачиќ, му стигнала имејл порака во кој млада жена која се претставува како Соња, тврди дека му е вонбрачна, непризнаена ќерка на политичарот.
Наводно 20-годишната девојка, во писмото испратено до кабинетот на Дачиќ, вели дека има и брат. Бара од политичарот да ги признае како свои деца, да плаќа алиментација, во спротивно заканувајќи се со тужба.
„Почитуван господине Дачиќ, јас сум Соња, ваша ќерка од првиот брак. Ве молам да признаете дека мојот брат сме ваши деца или ќе ве тужам за штетата која ми ја нанесовте мене и на мојот брат, лажејќи сиве овие години. Не ме интересира со кого сте и што правите, но одговорни сте да ме гледате мене и мојот брат и јас ќе барам да ни плаќате алиментација и отштета на мојата мајка која плачеше 20 години затоа што ја оставивте и се уште не се разведовте,“ пишува наводната ќерка на Дачиќ.
Српските медиуми пишуваат дека со пребарување на нејзиното име на Гугл и на социјалните мрежи, се добиваат резултати од 44-годишна жена.
Кусо коментирајќи го случајот, Дачиќ рече дека му е жал кога гледа што се подготвени да прават некои луѓе, само за да добијат внимание во јавноста.