Една од најатрактивните плажи во Охрид, Љубаништа за која често по навика се вели дека е недопрена природа во последниве неколку месеци се дави во отпадоци.
Кутии од кечап, гајби од пиво, стотици пластични шишиња, чевли, чизми па дури и еден ќилим се расфрлани по плажата во Љубаништа, и внатре во езерото.
Никој со месеци не реагира, ниту па сега на почетокот на летната сезона. Дел од жителите кои издаваат партмани, во страв дека ќе ги одминат туристите, самоиницијативно расчистуваат делови од плажата која се повеќе наликува на голема депонија.
Жителите велат дека многумина од туристите, претежно домашните остават ѓубре зад нив. Според нив, речиси сите се паркираат со автомобилите до езерото, па дури и ги чистат садови по јадењето во водата.
Недостатокот на култура е вистинскиот проблем за македонскиот туризам.
