Албанската влада го прогласи утрешниот ден за Ден на национална жалост поради трагичната сообраќајна несреќа што денеска се случи во близина на градот Химара.
Албанското знаме ќе биде поставено на половина копје, а премиерот Сали Бериша, кој е на Самитот во Чикаго, најавил итно враќање во земјата.
Во несреќата загинаа 11 студенти и возачот на автобусот.
Неколкумина од студентите се во кома и лекарите во Воената болница во Тирана се уште се борат за нивниот живот, а 22 се полесно повредени.
Несреќата се случила денеска околу 17 часот кога автобусот со кој патувале студентите од Универзитетот „Алексанред Џувани“ од Елбасан, излетал од патот и паднал во бездна длабока од 80-100 метри.