12 студенти загинаа, а 22 тешко се повредени во несреќата која се случи попладнево во Јужна Албанија. Автобусот со кој 40 студенти патуваа на екскурзија од непознати причини падна во провалија.
Несреќата се случила на 220 километри јужно од Тирана. Студентите се од Универзитеот во Елбасан а патувале во Саранда.
Албанските власти посочија дека сеуште се испитува причината поради која автобусот излетал од патот и паднал во провалијата длабока 100 метри. Повредените се носат со хеликоптери во воената болница во Тирана.
Властите очекуваат бројот на настрадани да се зголеми зашто спасителите сеуште ги немаат извлечено сите тела од провалијата која е недостапна и со стрмен терен.