Државата гори од епидемија и од погреби, а Венко Филипче и Зоран Заев си се возат на своите мотори. Режимот продолжува со одмор и релаксација додека Македонија погребува свои граѓани – рече на прес конференција портпаролот на ВМРО-ДПМНЕ, Наум Стоилковски покажувајќи фотогравии од премиерот Заев и министерот Филичпе.
„Секојдневно над 30 граѓани се жртви на епидемијата и на негрижата на Режимот. Секојдневно има над 1400 новозаразени од Ковид 19. Ама Заев и Филипче мува не ги лази и си уживаат во своите крстосувања со скапите мотори од по 30 и кусур илјади евра. Граѓаните очекуваат целосна заложба околу справувањето со епидемијата, додека очекуваат решавање на нивните проблеми, а Заев и Филипче без трошка срам си уживаат во убавото пролетно време. Ова е нивната релаксација. Луѓе умираат барајќи кислород, болниците се преполни, но тоа Филипче не го интересира. Филипче и Заев ги интересира угоден живот, ги интересира големи провизии, а граѓаните кој како ќе се снајде“ – рече Стоилковски.