Владиното координативното тело за заштита на интелектуална сопственост затвори два кабловски оператори од Терце и Желино, соопшти СВР Тетово.
Во денешната акциска конторла биле опфатени и осум трговски објекти во централното градско подрачје. Од нив биле одземени 184 производи со ознаки на познати марки – часовници, очила за сонце, чанти, кошули, тренерки, фармерки, долна облека, обувки и друго.
„Против сопствениците ќе бидат поднесени седум кривични пријави, од кои две за повреда на авторски права, а пет на индустриска сопственост“, изјави претседателот на Координативно тело за заштита на интелектуална сопственост Мите Костов.
Од таму најавија нови контролни активности за справување со пиратерија и со разни форми на повреда на индустриска и интелектуална сопственост, а ќе се контролира лиценцираноста на софтверите што ги користат адвокати, нотари и геодети.