Телеметриската сеизмолошка мрежа на Република Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, на 12.03.2021 година во 20 часот и 40 минути, регистрира серија на земјотреси од епицентралното подрачје Тетово-Гостивар со епицентар на 65km југозападно од Скопје.
Најсило беше почувствуван земјотресот со локална Рихтерова магнитуда ML4.6.
Според досегашните податоци овој земјотрес беше најсилно почувствуван од населението во Маврово, Дебар, Гостивар, Тетово и Кичево со интензитет од V-VI степени според Европската макросеизмичка скала, a во останатите делови со интензитет од III-IV степени според истата скала.
Земјотресот во 22 часот и 28 минути кои потекнува од истото епицетрално подрачје и со Рихтерова локална магнитуда ML4.4 според досегашните податоци најсилно беше почувствуван од населението во Маврово, Дебар, Тетово, Гостивар и Кичево со интензитет од IV-V степени според Европската макросеизмичка скала.
