Денеска во периодот од 10.30 до 11.20 часот, врз основа на судска наредба, полициски службеници на СВР Тетово извршиле претрес во домот и помошни простории на 44-годишниот Б.Џ. во тетовска Долна Лешница.
Како што информира МВР, при претресот биле пронајдени и одземени за вештачење околу 13 илјади евра во апоени од 50 и 20 евра, 250 швајцарски франци, 40 кувајтски динари, поради основи на сомнение дека се фалсификувани, обрасци за дозволи за престој во Швајцарија, заштитни маркички за фалсификување на пари, хартија за фалсификување на пари и други документи.
Б.Џ. бил лишен од слобода и по целосно расчистување и документирање на случајот против него ќе биде поднесена пријава по член 268 од Кривичниот законик – „фалсификување пари“.