Полициски службеници од СВР Тетово синоќа во содејство со Државниот пазарен инспекторат извршиле контрола во угостителски објект на улица „ЈНА“ во Тетово, сопственост на 37-годишниот тетовчанец С.Г.. При контролата било констатирано дека не биле почитуваните протоколите за работа на угостителските објекти, односно на масите имало повеќе гости од дозволеното, информира Министерството за внатрешни работи.
Како што соопштуваат од МВР, сопственикот бил лишен од слобода и приведен во полициска станица, а по целосно документирање на случајот против него ќе биде поднесена пријава по член 206 од Кривичниот законик – „непостапување според здравствените прописи за време на епидемија“.