Во сообраќајна несреќа на регионалниот пат Прилеп-Македонски Брод, пред влезот за село Ропотово, загинал 49-годишен маж од селото Долнени.
– На 01.03.2021 во 22:05 часот во СВР Битола било пријавено дека на регионалниот пат Прилеп-Македонски Брод, пред влезот за с.Ропотово, патничко моторно возило „форд ескорт“ без регистарски ознаки, управувано од Р.Ј.(49) од с.Долнени, излетало од патот. Во незгодата на местото на настанот починал возачот, информира Министерството за внатрешни работи.
Извршен бил увид од Јавен обвинител и увидна екипа од Полициската станица Прилеп.