17-годишен жител на скопската населба Чаир вчера се обидел да го нападне сопствениот татко, а во инцидентот настрадал неговиот една година постар брат, кој е повреден.
Вчера во 02.00 часот, полициски службеници од Полициската станица Чаир лишиле од слобода 17-годишен малолетник од Скопје, затоа што се обидел физички да го нападне неговиот 46–годишен татко, а при обид да го спречи нападот со повреди се здобил неговиот 18-годишен брат,“ пишува во полициското соопштение.
Малолетникот бил приведен во полициска станица и по целосното документирање на случајот, против него ќе биде поднесена соодветна пријава, додаваат од МВР.