Нападот врз аеродромот во Кабул е завршен изутринава со смртта на седум напаѓачи, изјави претставник на авганистанската полиција, додавајќи дека според првичните информации нема жртви меѓу цивилното население и авганистанските сили за безбедност.
Група напаѓачи вооружени со автоматско оружје и ракетни фрлачи, заземаа две згради во добро обезбедуваната област во североисточниот дел на авганистанскиот главен град.
Одговорноста за нападот ја преземаа талибанците. Портпаролот на талибанците изјави дека се уништени неколку хеликоптери.