По седум години, министерството за одбрана ќе публикува „Бела Книга“. Документот, по дијалогот со научно-стручната заедница, треба да претставува транспарентен преглед и на националната безбедносна политика и на финансирањето на одбраната и армијата. Според министерот Бесими, Македонија останува на курсот кон НАТО.
Цел на АРМ е 50% од идните оперативни способности на Армијата да бидат распоредливи надвор од националната територија и да бидат способни за учество во целиот спектар на меѓународни операции вклучително и операции за колективна одбрана на НАТО.
