Полицијата во северниот дел на Мексико уапси 12 полицајци поради сомнеж дека учествувале во убиството на 19 лица во близина на границата со САД, соопшти денеска обвинителството.
– На местото на убиствата се пронајдени траги кои покажуваат дека во масакрот учествувале најмалку 12 државни полицајци, истакна обвинителот на мексиканската држава Тамаулипас, Ирвинг Бариос на прес-конференција.
Обвинителството на 12 јануари соопшти дека е пронајдено запалено возило со остатоци од 19 луѓе, од кои повеќето веројатно биле мигранти од Гватемала, кои се обиделе преку Мексико илегално да преминат во САД.