Доцна попладнево, приведена е управителката на фирмата која стопанисуваше со паркинзите во општина Охрид „Сузуки – МТ“.
Портпаролот на СВР Охрид, Стефан Димовски вели дека М.М. во моментов е пред истражен судија.
Тој додава дека СВР против управителката поднела кривична пријава поради узурпација на недвижност. Кривична пријава СВР поднела и против правното лице – фирмата „Сузуки – МТ“.
Димовски додава дека правното лице завзело туѓа недвижност која согласно актот на локалната самоуправа е именуван како јавен паркинг и е во сопственост на локалната самоуправа.
Управителката спротивно на одлуката на локалната и понатака ангажирала неплатувачи на паркинг во централното градско подрачје, на овој начин, правното лице се стекнало со материјална корист.
Во текот на денешниот ден полицијата извршила мониторинг на паркинзите, а предходно од дваесеттина граѓани добила поплаки дека на паркинзите и натаму се вршела наплата на паркирање и покрај одлуката на Градскиот совет за раскинување на еден од договорите за закуп.
Ова доаѓа откако општината вчера соопшти дека и официјално ги раскинува договорите за стопанисување со паркинзите во строгиот центар на Охрид со фирмата „Сузуки – МТ“.