Синхронизираноста и таканареченото спонтано собирање на луѓе кои протестираат против носење на одлуки на Советот на општина Центар, јасно покажува дека зад ова стои владеачката партија, стои во рекацијата на градоначалникот на општина Центар, Андреј Жерновски.
Истата таа владеачка структура, вели, добро знае дека пред месец дена загубија три пати во Центар, што значи жителите се против нивните политики кои до сега ги спроведуваа во општината.
„Прозирно и неодговорно е што се манипулира со најинтимните и најранливите чувства, верските и односот кон децата. Недозволиво е од партијата на власт да ги инструментализира овие чувства“, се вели во писмената реакција на градоначалникот Жерновски.
Инаку, вели, сите акти на Градоначалникот и на Советот се во правец на враќање на законитоста. Претходното раководство на општина Центар носеа одлуки кои беа противуставни и спротивни на интересите на граѓаните.
Потенцира дека ревизијата се прави, и ќе се прави за да се врати правниот поредок.