Изненадени сме од одлуката на грчките погранични органи кои вчера не и дозволија влез на уредникот на надворешно-политичката редакција на весникот „Дневник” Ивана Костовска, која патувала приватно во Грција, се наведува во денешната реакција на Минстерството за надворешни работи на Македонија.
Не навлегувајќи во дискрециските права на надлежните органи на секоја суверена држава, Министерството за надворешни работи укажува дека регистрирањето на новинарот Костовска како опасност за јавниот ред и безбедност, јавното здравје и меѓународните односи и оттаму како непожелна личност во Грција, претставува кршење на една од основните демократски слободи – слободата на движење.
Наведените причини заради кои не и се дозволува влез под превезот за заштита на националната безбедност на Грција, се метод користен во некои одамна заборавени времиња, наведуваат од МНР.