Пред утрешниот празник на Светите Константин и Елена собрани сме денеска за заеднички да ветиме дека ќе го изградиме истоимениот храм во централното подрачје на главниот град на нашата држава. Тоа е прилика да покажеме и да докажеме дека знаеме да го цениме своето и дека самите можеме да бидеме ктитори и градители на својата свештена, црковна и национална историја.
Ова го порача поглаварот на Македонската православна црква Охридкса архиепископија, архиепископот охридски и македонски г.г. Стефан на втората донаторска конференција за изградба на храмот „Св. Константин и Елена“ во Скопје.
Црквата посветена на царот Константин и на неговата мајка Елена, која била изградена во 1927 година со помош на добродетели, била симбол на Скопје и во неа се до земјотресот од 26 јули 1963 година кога била разурната се вршеле сите крштевки и венчавки.
– Во животот на секој човек различни нешта заземаат централно место. За некого тоа е семејството, за други работата, за трети државата, за некои богатството. Во животот на православните христијани, пак, централно место зазема и треба секогаш да зазема храмот – домот Божји. Тоа е просторот на нашето опстојување, на нашата егзистенција, на нашиот идентитет, на нашата култура и јазик, рече г.г. Стефан.
Тој посочи дека храмовите низ историјата секогаш биле поставувани на централното место во населените области и околу нив секогаш се одвивале најзначајните и најглавните верски и општествени настани.
– Впрочем такво место имал и некогашниот храм на Светите Константин и Елена на дел од сегашниот Градски трговски центар во Скопје, а и новата локација веруваме дека ги задоволува тие критериуми, порача г.г. Стефан.
Храмот, порача, останува паметник за времето во кое е изграден за идните генерации да ја слават и да и се воодушевуваат на верата и љубовта на своите предци, а секој камен во новоизградениот храм и секоја тула ќе го изговора името на секој ктитор знаен и незнаен.
Додаде дека многупати досега нашиот народ покажал дека немањето слобода и доволно средства не го спречило да создаде велелепни цркви и манастири.
– Денеска Господ не дарил со секаква предност и технолошка и техничка и образовна ни недостига само верата дека создаваме и помагаме нешто што е за нашиот Бог кој не љуби и се грижи за нас на секој чекор и во секој миг од нашиот живот. Дека создаваме за својата Црква која многупати досега, но и за секогаш не чува онакви какви што сме и го запазува тоа што е наша своина и наш идентитет, штое нанашите татковци и прадедовци, дека градиме за себе и за нашите потомци, истакна г.г. Стефан.
Премиерот Никола Груевски, кој присуствуваше на донаторската конференција,
– Токму затоа низ многуте изминати векови, на сите страни од светот се изградени илјадници домови Божји. Чудесен е фактот што во Македонија нашиот народ изградил многу храмови и тоа најчесто во времиња кога бил под тешко ропство, немал никакви права и живеел во голема сиромаштија… Денеска многу нешта се променети, живееме во слободна, демократска и независна држава и затоа ми е драго што уште еднаш се собравме да ја поддржиме иницијативата и да дадеме поддршка за доградба на новата црква „Свети Константин и Елена, порача Груевски.
Тој ги повика присутните министри, пратеници, директори, претставници на стопанските комори и бизнисмени да помогнат за да продолжи, како што рече, убавата градителска традиција во Македонија и заедно да ја изградат црквата „Свети Константин и Елена“.