Односите меѓу Русија и Кина го достигнаа своето највисоко ниво во историјата, оценија рускиот претседател Владимир Путин и кинескиот претседател Шји Џјинпинг во разменетите празнични честитки, соопшти денеска прес-службата на Кремљ.
Шефовите на двете држави си разменија топли честитки во пресрет на новогодишни празници и ги истакнаа резултатите од развојот на руско-кинеските односи на сеопфатно партнерство и стратешка соработка во изминатата година, се наведува во пораката пренесена од Тасс.
Притоа двајцата претседатели ги пофалија билатералните врски меѓу двете земји. Кремљ додаде дека е забележливо дека билатералните односи го достигнаа највисоко ниво во историјата и дека навистина се од взаемно корисна природа.