Најмалку пет лица, вклучително и четворица лекари, загинаа денеска во експлозија на бомба, поставена покрај пат во Кабул.
Не е познато дали лекарите, вработени во затворот Пула Чарки во Кабул, биле цел на нападот, соопшти авганистанската полиција.
Идентитетот на петтата жртва е непознат, а во нападот се повредени уште две лица.
Засега никој не ја презеде одговорноста за нападот.
Бомбашките напади во Авганистан стануваат се почести додека продолжуваат преговорите меѓу авганистанската Влада и Талибанците за прекин на огнот по 19 години.