Македонија дури и името го смени, а ЕУ ниту со оваа земја не ги отвори пристапните преговори, изјави српскиот претседател Александар Вучиќ објаснувајќи во телевизиско интервју зошто Србија нема отврено ниту едно преговарачко поглавје со ЕУ оваа година.
– Навистина има многу работи што треба да ги направиме подобро и поинаку, ги започнавме и ќе продолжиме. Но, да ги поставиме работите сосема отворено. ЕУ не отвори преговори со Македонија која дури и го смени името на државата, а тие им ветуваа кули и градови, и нема со што се не ги залажуваа, а на крајот не ги отворија преговорите, рече Вучиќ.
Тој изјави и дека Србија забрзано се приближува кон ЕУ кога станува збор за европскиот стандард, но дека не може да го достигне тоа одеднаш, бидејќи заостанувала повеќе од 100 години.
– Ако продолжиме вака, и ако сме број еден во следните три години во однос на економскиот раст во Европа, таа разлика драстично ќе се намали, посочи претседателот на Србија.