Градинката „Раде Јовчевски Корчагин“, најстарата градинка во општина Центар денеска го прослави 65-годишниот јубилеј.
Децата, воспитувачите, учителите родителите, но и поканетите гости уживаа во талентот на децата, кои со песна и игра го претставија значењето на учењето и знаењето.
„Кога размислував што да кажам, ја добив и прочитав поканата. Па има ли нешто поубаво да се порача од тоа што е таму напишано: „На секое дете му треба учител, на секој учител му треба дете. Ги соединува љубовта и учењето! И тоа е крајот, но истовремено е новиот почеток“. Градинката за вас е првото скалило во светот на знаењето но и дружењето. Јас имам два сина, и учителките од градинката за нив биле секогаш нешто што го паметат и ќе го паметат цел живот“, со овие зборови ги поздрави градоначалникот на општина Центар, Андреј Жерновски.
Жерновски вети дека секогаш ќе биде присутен по вакви поводи и се во интерес на децата.
