Сопственик на угостителски објект од Тетово е приведен синоќа поради непочитување на ковид-мерките. Од МВР информираат дека објектот кој е лоциран на улицата „Илинденска“ во Тетово, работел со гости по дозволеното време и не ги почитувал мерките за справување со коронавирусот.
„Сопственикот на објектот (Ф.И.) бил задржан во Полициската станица Тетово и по целосно расчистување и документирање на случајот ќе му биде поднесена пријава по член 206 од Кривичниот законик, а поради сомнение дека сторил кривично дело непостапување според здравствени прописи за време на епидемија“, информираат од полицијата.