Втори јуни е историски ден, кога делегатите ќе донесат одлука од која ќе зависи по која патека ќе се движи и СДСМ но и Република Македонија.
Важно е партијата да го сочува единството и на 2. јуни од Конгресот да излеземе горди што сме членови на СДСМ, која ќе победи на 2 јуни. Ова е ставот на кандидатот за лидер на СДСМ, Зоран Јовановски на три дена пред партискиот конгрес.
Тој вели дека верува само во многу работа и добра организација.Најавува дека го има победничкиот концепт.
-Тоа е победнички концепт кој ќе обезбеди една реорганизација, ќе ја направи партијата повидлива и попристутна во очите на сите. Тоа е концепт кој ке го донесе СДСМ победнички, да може да управува и да ги направи позадоволни луѓето на Македонија.
-Јас не сум човек кој трча по функиции, не ми е целта да станам само претседател на СДСМ, целта ми е да се направи подобар живот за 2 милиони граѓани.
На прашањето дали новиот лидер ќе биде во сенка на Бранко Црвенковски, Јовановски одговара кратко.
-Улогата на Бранко Црвенковски во СДСМ им е јасна на сите, немам намера да влегувам во тие шпекулации.