Шест месеци на охридските советници не им се исплатени хонорарите за нивниот ангажман во Советот на општината. На секој советник поединечно општината им должи околу 74.000 днеари, со оглед дека паушалот за секој советник поединечно изнесува 14.000 денари.
Советниците последен пат пари добиле во декември. Од локалната власт на советниците им ветиле дека парите ќе им бидат исплатени во текот на летниот период.
Од таму велат дека „пари за советничките паушали биле одвоени , но оти проблемот настанал поради ненавремено плаќање на персоналниот данок при што парите биле заглавени во Управата за јавни приходи“.
Висина на паушалот изнесува 70% од просечната нето плата во Македонија но зависи и од големината на општината.