Повеќе од 550 жители на едно село ги напуштиле своите домови поради ерупција на вулканот Семеру во источниот дел на островот Јава, соопшти индонезиската Агенција за управување со вонредни ситуации.
Засега нема информации за евентуални жртви, но за евакуираното население итно се потребни маски и храна.
– Со подготвува јавна кујна, а здравствените власти делат маски, за што им помагаат војската и полицијата, се наведува во соопштението на Агенцијата.
Семеру е втор индонезиски вулкан кој се активира во изминатите неколку дена.
Во неделата, властите издадоа портокалово предупредување за вулканот Леватоло на островот Лембата по серијата ерупции. Поради тоа 2.782 жители кои живееле во близина на вулканот морале да бидат евакуирани, а аеродромот Вонопито бил затворен по ерупциите.