„Дојде времето кога треба да се протестира, за утре да не биде предоцна. Граѓаните на Република Македонија се обединуваат против Заев, против негаторите на македонската историја, идентитет и јазик“, соопштува ВМРО-ДПМНЕ.
Партијата ги повикува граѓаните денес на, како што велат, сенароден протест, со почеток во 12:30 часот кој ќе заврши пред Владата на Македонија.
„Поради заразата со корона, протестот ќе биде со автомобили и во 12:30 часот ќе се тргне кон Владата од две локации, СЦ „Борис Трајковски“ во Општина Карпош и СЦ „Јане Сандански“ во Општина Аеродром.
За доброто на Македонија, порачуваме заеднички: Оставка на Заев, слобода на народот!“, се додава во соопштението на ВМРО-ДПМНЕ.