Софија ја цени брзата реакција на власта во Скопје против, како што ги нарекуваат, „провокациите“ кои деновиве се појавија во Македонија.
Оваа позиција е изнесена, откако денеска во бугарското Министерството за надворешни работи на разговор бил повикан вршителот на работи амбасадор на Република Северна Македонија во Бугарија, јави БГНЕС.
На состанокот во бугарското МНР, бугарската страна нагласила дека ги цени брзите реакции на властите во Скопје во врска со случајот на палење на бугарското знаме и пројавите на говор на омраза на социјалните медиуми против членови на бугарската Влада.