Министерката за надвoрешни работи на Бугарија, Екатерина Захарева, вели дека блокатата од нејзината држава за Македонија произлегува од погрешното читање на историјата и од „говорот на омраза“ од македонската страна.
„Проблемот со читање историја во Република Северна Македонија е дека погрешните и лажни толкувања на настани, луѓе и настани во текот на 30 години доведоа до „говор на омраза“ и негативна кампања против Бугарија и Бугарите, нешто што е апсолутно апсолутно недозволиво за нас“ вели Захариева.
Таа во интервју за шпанската агенција ЕФЕ објаснувајќи го проблемот користи примери од Латинска Америка.
„Фактот што Аргентинците и Чилеанците зборуваат шпански не ги прави помалку Аргентинци и Чилеанци. Фактот дека тие имаат заедничка историја со Шпанија до одредена точка не го намалува нивниот суверенитет денес. Напротив, ги приближува до Шпанија“ – смета бугарската министерка.
Таа тврди дека Македонија престанала да го почитува Договорот за добрососедство и пријателство и дека тоа се случило кога земјава влегла во НАТО.
„Условите што Бугарија ги поставува пред Република Северна Македонија не влијаат на современиот идентитет или на суверенитетот на нашиот сосед“ – дополнува Захариева.
Детали од интервјуто Захариева објави на својата Фејсбук-страница.