Калифорнија го почна ограничениот, ноќен полициски час во обид да го сопре галопирачкото ширење на коронавирусот. Државата од западот на САД со последните бројки на новозаболени го надмина пикот од август – јавува Лос Анџелес Тајмс.
Во САД, дневната бројка на починати од вирусот помина над 2000 што е првпат по пикот во мај. Земјата има над 12 милиони заразени и повеќе од 255.999 смртни случаи според податоците на Универзитетот Џонс Хопкинс. Ова е највисоката бројка во светот.
Според последните борјки на дневно ниво, во петокот беа регистрирани 187.ооо новозаразени што е апсолутен рекорд досега. Неколку држави воведоа обврска за носење маски и други дополнителни ограничувања во обид да се справат со пандемијата.