Македонија ја зазема петтата позиција во светот според религиозноста на населението. Според истражувањето на интернационалната асоцијација „Gallup“ во врска со глобалниот индекс на религија и атеизам, во Македонија 90% од населението се декларирале како религиозни.
Првото место на листата го зазема Гана со 96%, потоа следуваат Нигерија(93%), Арменија и Фиџи со по 92%. Во првите десет најрелигиозни земји влегуваат и Романија, Ирак, Кенија, Перу и Бразил.
Од друга страна, истражувањето покажува дека во Македонија има само 1% на атеисти. Македонија се наоѓа на самото дно заедно со државите Бразил, Нигерија, Гана, Виетнам и Тунис. Најмногу атеисти, пак, живеат во Кина (47%), Јапонија(31%) и Чешка(30%).
Истражувањето е направено во 2012 година. Во него учествувале 50 илјади граѓани од 57 држави во светот.
Петар Клинчарски