Вчеравечер во скопската полиција било пријавено дека во комплексот клиники „Мајка Тереза“ бил донесен повреден 29-годишен турски државјанин со иницијали А.О.У., кој престојувал во Скопје.
Кај него биле констатирани тешки повреди со кои се здобил при физички напад на подрачјето на Центар од неколку лица, а при нападот едно од лицата му нанело убодни рани со остар предмет, велат од МВР.
Полицијата презема мерки за расчистување на случајот, се додава во полициското соопштение.