Судот во Киев денеска забрани одржување на првата Парада на гордоста во Украина, поддржувајќи ги градските власти кои се жалеа дека Парадата би и попречила на годишната прослава на Денот на Киев и би поттикнала насилство.
Минатата година организаторите ја откажаа парадата во последен мометн, бидејќи на локацијата планирана за собирање се појавиле скинхедски со намера да ги нападнат учесниците.
Антипатијата кон припадниците на геј популацијата е се уште силна во Украина и во другите делови на поранешниот Советски сојуз во кој хомосексуалноста беше со закон забранета. Некои веруваат дека кон тоа придонесува и влијанието на православната црква.
Минатата недела Парадата на гордоста е откажана и во Тбилисиј во Грузија пред да започне, бидејќи на местото на нејзиното одржување се собрале повеќе од илјада антигеј активисти.